منتدى ملكة الكوميديا اللبنانية لـيلـيان نمري
أهلا و سهلا بكم في منتدى ملكة الكوميديا في العالم العربي الفنانة ليليان نمري ، نتمنى لكم قضاء وقت مفيد و ممتع و مسلي في البيت الالكتروني الخاص بالفنانة ليليان
عزيزي الزائر اذا لم تكن قد سجلت من قبل اضغط على زر التسجيل لتتمكن من التفاعل مع المواضيع و المشاركات و لتنضم الى اسرة محبي الفنانة ليليان نمري بشكل رسمي فوجودك معنا شرف لنا
يتم التسجيل عن طريق الضغط على زر تسجيل و تعبئة البيانات المطلوبة و من ثم تصلك رسالة تبلغك بتفعيل اشتراكك او خلال 24 ساعة تكون عضوا نتشرف بوجوده معنا علما بان الزيارة الثانية بعد التفعيل بالضغط على زر دخول و ادخال اسم المستخدم و كلمة السر كما حددت اثناء التسجيل
منتدى ملكة الكوميديا اللبنانية لـيلـيان نمري
أهلا و سهلا بكم في منتدى ملكة الكوميديا في العالم العربي الفنانة ليليان نمري ، نتمنى لكم قضاء وقت مفيد و ممتع و مسلي في البيت الالكتروني الخاص بالفنانة ليليان
عزيزي الزائر اذا لم تكن قد سجلت من قبل اضغط على زر التسجيل لتتمكن من التفاعل مع المواضيع و المشاركات و لتنضم الى اسرة محبي الفنانة ليليان نمري بشكل رسمي فوجودك معنا شرف لنا
يتم التسجيل عن طريق الضغط على زر تسجيل و تعبئة البيانات المطلوبة و من ثم تصلك رسالة تبلغك بتفعيل اشتراكك او خلال 24 ساعة تكون عضوا نتشرف بوجوده معنا علما بان الزيارة الثانية بعد التفعيل بالضغط على زر دخول و ادخال اسم المستخدم و كلمة السر كما حددت اثناء التسجيل
منتدى ملكة الكوميديا اللبنانية لـيلـيان نمري
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


المنتدى الرسمي للنجمة ليليان نمري
 
الرئيسيةأحدث الصورالتسجيلدخول

 

 الى ابي وامي وكل الكبار من بلادي المبدعين الذين رحلو عن هالارض

اذهب الى الأسفل 
3 مشترك
كاتب الموضوعرسالة
ليليان نمري
النجمة ليليان نمري
النجمة ليليان نمري
ليليان نمري


عدد الرسائل : 310
الموقع : www.lilianenemri.mam9.com
تاريخ التسجيل : 15/05/2008

الى ابي وامي وكل الكبار من بلادي المبدعين الذين رحلو عن هالارض Empty
مُساهمةموضوع: الى ابي وامي وكل الكبار من بلادي المبدعين الذين رحلو عن هالارض   الى ابي وامي وكل الكبار من بلادي المبدعين الذين رحلو عن هالارض Icon_minitimeالأربعاء ديسمبر 03, 2008 10:48 am

وهيك كلون راحو تعودو الكبار يروحو بصمت رهيب ويتركو وجع كبير وراهون
راحو وكان الهم وشو باقي غير الهم والقهر والحزن عا عطائون اللي ما اللو
حدود واللي باقي بذاكرة اللي كانو يحبوون .. عمبيخفو العمالقة وما بقا بعد
في كتير وبعدنا متل ما نحنا ما تغير شي ابدا الا انو عمنشتقتلون يوم بعد
يوم
الله يرحم ترابون زرعولنا دروبنا بالورد ووصللو كتار عا طبق من دهب من بعد ما مشيو عالشوك بس بكل حب ..
منحبوون وما رح ننساهون وبكل حب بقللون رح نكمل الطريق ورح ننطر متل ما
نطرتو تا ناخود حقوقنا .. صرتو كتار صلولنا بركي عالكترة بتقدرو تعملولنا
شي بوقت اللي سخفا اهل الارض ما قدرو يعملولكون شي .. وانتو بالقلب باقيين
يمكن بيجي مليون وزير ومية رئيس جمهورية واكتر بس بعد وقت بينزلو عن
كراسيون بس انتو باقين ما حدا بيقدر يزعزع كرستكون الباقية بقلوب المحبين

يا ريت كان في فايس بووك عا ايامكون تتعرفو قديش في ناس بتحبكون
بس اكيد عارفين وشايفين قلبكون كان دايما بيدلكون عالناس اللي بتحبكون

كل اللي راحو تعبو وشقيو وياما اشتغلو من دون مقابل حتى الفن يستمر بازهى عطائو
عا ايامكون وما فيي عدكون لانو صرتو كتار كان الفن فيه بركة ومحبة وامل ببكرا وكان هالامل يكبر مع الوقت وما كان يقل او يكل

علمتونا ودرستونا وفهمتونا ووعيتونا والاكترية منكون كانو اميين

اف شو كبار انتو وشو في عز بتقاسيم وجوهكون
اف شو كانت كرامتكون كبيرة تتوجعو وما تقولوا اخ
تبكو وما تخللو حدا يشوفكون
تحزنو وما تخللو حدا يحس فيكون

يمكن لاني بنت كبار غابو عن هالدني بحس فيكون اكتر
لاني عشت ايام فرحون وحزنون والالامون واوجاعون
وفرحون بالعطاء من غير حدود

حتى وانتو وعمبتنازعو عا فراش الموت ان حدا سالكون في دور زغير منحب تشاركونا فيه
كنتو تنطو متل ولد شاف امو من بعد غياب وتنسو انو ما بقا قادرين توقفو او تمشو

خلق الفن بدمكون وعطيتوه من روحكون والفن كان روحكون وحياتكون ونسمة الحياة اللي بتتنفسوا
التمثيل كان بالنسبة الكون هوي الحياة والفرح واوكسيحين عمركون
بحياتو ما كان تجارة وجني المال والفيلات والسيارات ورصيد ببنك ما ممكن يفلس بيوم
وما كنتو تعرفو شو يعني بورصة

انتو الفيزا المفتوحة اللي وصلتو الدراما اللبنانية لكل العالم العربي
انتو الباسبور اللبناني اللي حملتوه بكل فخر وكان اخر همكون جنسية غير جنسيتكون
عشتو الحرب متل اي مواطن للبناني وعاصرتو كل اللي عصرو هالبلد بدموع عينيكون

بحبكون واحد يقول للتاني وبقلكون يا بيي ويا امي ويا كل اللي راحو عن هالارض
كل ما يغيب واحد منكون منرجع متل الاول بتكبر الغصة كتير ومنختنق اكتر

بعد غيابكون صارت السما مغيمة والصيف ما عدنا حسينا فيه السما ما عادت
كاشحة وغيوم السما ما عادت ترحل متل ما رحلتو .. بس الشمس بعدها شارقة
والامل بعدو بقلوبنا وما رح نتغير ورح نبقى معكون عالعهد .. عهد العطاء من
دون قيد او شرط ومن كل القلب يمكن قلال اللي بقيو هيك بس رح نكمل لوحدنا
...
انتو ما متوووووو انتو بالقلب باقيين .. الكبار ارواحون بتبقى ترفرف بالسما

تعجب الكون وسالكون انتو مين
قلتولون نحنا ممثلين
زرعنا ورود عا دروب الايام
كبرنا سوا وعلينا جبيننا وشفنا حالنا بلبنان
وعطينا الوطن والارز والفن
تيضل الحلا بكل الازمان
وتركنا هالارض وكلنا ايمان بس بس بس بلبنان

بلوح بشالي وببعت سلام من بلد الحب
بنثر ورود عا دربكون الطويل وانتو بالقلب

تلميذتكون
ليليان عبده وعليا نمري








Add a comment
الرجوع الى أعلى الصفحة اذهب الى الأسفل
najib mikati
ليلياني جديد



عدد الرسائل : 1
العمر : 57
تاريخ التسجيل : 26/05/2010

الى ابي وامي وكل الكبار من بلادي المبدعين الذين رحلو عن هالارض Empty
مُساهمةموضوع: رد: الى ابي وامي وكل الكبار من بلادي المبدعين الذين رحلو عن هالارض   الى ابي وامي وكل الكبار من بلادي المبدعين الذين رحلو عن هالارض Icon_minitimeالأحد مايو 30, 2010 9:09 pm

هاي ليليان
انا اكيز انو عليا و شرنو ما ميتو هنني بقلوبنا.
بحب قول انو انا محظوظ لان عرفتون عن قريب و لمست طيبتهون و انسانيتهن .
يمكن عم تسألي من وين بعرفهن . انا بعرفهون و بعرفك ليليان. بتتذكري بالاجتياح الاسرائيلي بال:80 . نحنا جينا قعدنا عند تانت ملفينا. و كينو تانت عليا و عمو شرينو يجو كل يوم يسالو عنا و يخفيفو عنا. و بعدني بتذكر كان عمو شرنو عندو سيارة كشف.
بحبون من قلبي .و يلي بحب التني بعيش بقلبو.
منشين هيك هني ما ميتو و لا لح يموتو
الرجوع الى أعلى الصفحة اذهب الى الأسفل
Zizi
ليلياني نشيط



عدد الرسائل : 30
العمر : 32
تاريخ التسجيل : 10/08/2009

الى ابي وامي وكل الكبار من بلادي المبدعين الذين رحلو عن هالارض Empty
مُساهمةموضوع: رد: الى ابي وامي وكل الكبار من بلادي المبدعين الذين رحلو عن هالارض   الى ابي وامي وكل الكبار من بلادي المبدعين الذين رحلو عن هالارض Icon_minitimeالثلاثاء أغسطس 24, 2010 2:43 am

(K)lilooo kteer 7abet 3njd
الرجوع الى أعلى الصفحة اذهب الى الأسفل
 
الى ابي وامي وكل الكبار من بلادي المبدعين الذين رحلو عن هالارض
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى ملكة الكوميديا اللبنانية لـيلـيان نمري :: منتدى الفنانة ليليان نمري :: كي لا ننسى المبدعين شرنو & علياء نمري-
انتقل الى: