[b][right]يا عبدو وعليا كيفكون
وشو اخباركون كيف حال الطقس عندكون ؟
مش انو اليوم تذكرتكون ما بنساكم ولا لحظة اصلا
بس هالنهار كان مميز كتير
انا ما بنسى هالنهار , دايما ببالي يا غاليين ,,
كان ياما كان بقديم كم سنة وقبل باسبوع متل هاليوم وقبل 56 سنة ,
التقى عبدو بعليا عمتلعب عالحبلة قدام باب بيتون بالدامور ..
ومتل اليوم تجوزها لعليا
ونزلت لاول مرة عا بيروت ..
وعبدو كان فنان مشهور وهيي كانت بال 13 سنة واُميّة
بيوم هونيك نهار بتقطعو بطلة المسرحية وبتحل عليا محلها
لانو كانت حافظة المسرحية صم
بعد ما شاف موهبتها علمها القراة والكتابة وصارت عليا
اشهر ممثلة لعبت دور الام لكل الاجيال الي طلو عا شاشات التلفزيون
وكبرت العيلة وعاشو الحلو والمر والحرب والسلم
وزرعو البسمة والحب والمحبة لاجيال ما بتنساهم لليوم
متل اليوم ذكرى او عيد زواجكم
اِلي دام بالحب والتفاهم والصدق والاخلاص مدى 56 سنة ,,
كنتو مثال لكتار ناس من اهل الفن والصحافة والناس
واليوم انتو سوا ,,, ما بعرف وين بس انتو بنفس المطرح نمتو
متل ما مني طلبتو
وكل سنة متل هالليلة ما بنسى شو كنا نعمل ...
وكيف كنا نعيد هالعيد سوا ونضحك كتير كتير كتير
ونرجع نلَبس عبدو الكرافات ونرجع نلَبسك الطرحة ... وشو طرحة ؟
منديل عليا الي ما كانت تشيلو عن راسها ابدا
وقالب الغاتوه وعليه اساميكون
والقمح وسهرة طويلة مليانة فرح ما بتروح ابداااااااااااااا من بالي ...
بحبككون قد الدني ...
والله يرحم ترابكون يا امي ويا بيي
انتو ما غبتو الا بالجسد لانكم معي دايما بالروح
وبالقلب ونفَسكُم عايش فيي وبساعاتي
تحية حب ووفا من القلب
ليلوووووووووو في 3/12/2009
يمكنكم مشاهدة كليب منديليك يا عليا
https://www.facebook.com/photo.php?pid=2727097&op=1&o=all&view=all&subj=56782436891&aid=-1&oid=56782436891&id=605640832#/video/video.php?v=134625365596&oid=56782436891
الجمعة ديسمبر 04, 2009 12:44 pm