منتدى ملكة الكوميديا اللبنانية لـيلـيان نمري
أهلا و سهلا بكم في منتدى ملكة الكوميديا في العالم العربي الفنانة ليليان نمري ، نتمنى لكم قضاء وقت مفيد و ممتع و مسلي في البيت الالكتروني الخاص بالفنانة ليليان
عزيزي الزائر اذا لم تكن قد سجلت من قبل اضغط على زر التسجيل لتتمكن من التفاعل مع المواضيع و المشاركات و لتنضم الى اسرة محبي الفنانة ليليان نمري بشكل رسمي فوجودك معنا شرف لنا
يتم التسجيل عن طريق الضغط على زر تسجيل و تعبئة البيانات المطلوبة و من ثم تصلك رسالة تبلغك بتفعيل اشتراكك او خلال 24 ساعة تكون عضوا نتشرف بوجوده معنا علما بان الزيارة الثانية بعد التفعيل بالضغط على زر دخول و ادخال اسم المستخدم و كلمة السر كما حددت اثناء التسجيل


المنتدى الرسمي للنجمة ليليان نمري
 
الرئيسيةس .و .جالتسجيلدخول

شاطر | 
 

 الى ملكة عمري عليا بذكرة رحيلها الاربع سنين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ليليان نمري
النجمة ليليان نمري
النجمة ليليان نمري
avatar

عدد الرسائل : 310
الموقع : www.lilianenemri.mam9.com
تاريخ التسجيل : 15/05/2008

مُساهمةموضوع: الى ملكة عمري عليا بذكرة رحيلها الاربع سنين   الأربعاء فبراير 18, 2009 11:00 am

يا عليا صبااااااااااااااااحو
يا وج الملاك
يا ملكة المحبة
يا الست الساكتة
يا اميرة السلام
ياللي بتحملي احلا للقب
الام الكلك عطاء
اليوم رفقاتي حكيو عنك كتير كتير
ومن احلى الكلام
واليوم ما بدي اتذكر يوم رحيلك وابكي
اليوم بدي اتذكر هضامتك وخفة دمك
وطيبة قلبك وكرمك الكبير الكبير
ولك بيكفي انك امي اللي بموت فيها

وما رح احكي كليشات
الاهم انك كنتي مثالي الاعلى ورح تبقي
يللي علمتيني المحبة كيف بتكون
والعطاء كيف بيتبروز
والامل كيف بيكبر
وحب الوطن الما بيتغير

عليا يا عليا
يا نسمة السنين الدافية
يا الكتف الي غمر الكل
يا جبين العالي اف شو كان عالي

بتعرفي انو الناس اشتاقولك ؟
بتعرفي قديش غيابك اثّـر عالدراما ؟
بتعرفي انو اخدنا القانون المهني ؟
بتعرفي انو ولاد الوطن صارو يتخانقو عالالوان ؟
بتعرفي انو الشباب عمبقبرو بعضون بالجامعات ؟
بتعرفي انو الجيل الجديد اخد كل شي من الجيل القديم ؟
بتعرفي انو في شباب كتاررررررررر ما تعلمو من الماضي ؟
ما تزعلي قلتيها مرة هاي وراثة الجهل للاسف

كتير زعلاني انك تركتيني كتير كتير
بس بقول منيح اللي رحتي وما شفتي اللي عمبيصير
هول الشباب اللي قلتي عنون يا الف تلة تراب عا صدرك يا ام خليل
ولا شب لبناني يدقو شوكة
ولا شب للبناني ما ذكرتي لا الطايفة ولا المناطق ولا اللون
كنتي وبعدك لكل لبنان وام لكل اللبنانية

ههههههههه بدي خبر رفقاتي عالفيس بووك
اه يمكن ما بتعرفي شي عن الفايس بووك
هيدا بيتي التاني اللي عرفني عا احلى عالم
بحبون كتير وصارو رفقاتي وفي منون ولادي كمان
رح خبرون انو انت الامية الي ما كنتي تعرفي تقري
قلتيلي مرة ما تقولي انا للبنانية
قول انا من لبنـــــــــــــــــــان
كل شخص تجنس بقول انا للبناني
بس انت من لبنان ابا عن جد
متل تلفزيون لبنان ههههههههههههه

بتذكر لمن خبرتيني كيف كنتي تاخديني عالاستديو
وتنيميني تحت شي طاولة وكنتو تصورو بالديكور التاني
خبرتيني كيف كنتي حبلة فيي لمن صورتي فيلم
مولد الرسول وكنتي وقعتي عن الحصان وصرخ المخرج
انتبهو عليا حامل
بتذكر كيف عملتو مغلي شهرين يوم اللي خلقت

بتذكر قهرك وعذابك ووجعك عا لبنان
بتذكر 25 سنة حرب وما تركتي لبنان
رغم كل العروض اللي كانت تجيكي للسفر لبرا

بتذكر كيف قبل وفاتك بلبنان قلتيلي كلمة قتلتيني فيها
وخلتني اعرف قيمة الحياة وقيمة الحب والمحبة
قلتيلي خليكي متل ما انت
يا ريت بيك ما مات قبلي
كنت حابة قلو قبل ما موت
بعدني مغرومة فيك لهلق
الله الله الله يا عليا

ولك شو بحبك انا
ياااااااااااااااااااااااااااااااي شو في بعد بدي قولو
بس صفحات الدني كلها ما بتكفي يا امي
بس بدي طمنك اني بعدني متل ما انا
وعايشة مع كتابي وقلمي ورفقاتي واخواتي
وولادي عالفيس بووك
ما هني كل حياتي

والصحافة بعدا لهلق بتذكرك ما حدا منون نساكي
ومتل ماكنت تقولي دايما انا الصحافية انصفوني
وكانو المحامية الي بيدافعو عني
وكتااااااااار كتبو عنك كلام حلو يوم اللي غبتي
اتطمني بعدون بيحبوكي متل ما بتحبيون واكتر

وكل يوم الصبح فنجان القهوة قبال صورتك انت وبيي
اف شو بحكيكون اوعا تزهقو مني ههههههههههه
يا عليا الله يرحمك يا امي ويرحم بيي
وكل امواتنا واموات العالم

وانا صابرة وناطرة ليوم الملتقى
واملي اني التقي فيكون يوم مين بيعرف
ربنا وحدو اللي بيعرف
واشتقتلك
وبحبك
وبموت فيكي
وبخاطرك يمي
يا وج المــــــــــــــــــلاك
الرجوع الى أعلى الصفحة اذهب الى الأسفل
ليليان نمري
النجمة ليليان نمري
النجمة ليليان نمري
avatar

عدد الرسائل : 310
الموقع : www.lilianenemri.mam9.com
تاريخ التسجيل : 15/05/2008

مُساهمةموضوع: رد: الى ملكة عمري عليا بذكرة رحيلها الاربع سنين   السبت فبراير 21, 2009 1:18 pm

بعد قرأة ما كتبت عن ذكرى رحيل امي
اثنى الكاتب والناقد الكبير جيهاد ايوب
وقال لي شفهيا ما كان يحب ان يضيف على الرسالة لو كان كاتبها
فسعدت كثيرا لطرحة وبكل فخر سانشره بكل محبة وشكر

رسالتك من عباءة الصدر الى كل الصبر
يا امي انا وانت كنا سوى
ونقول ما بيفرقنا الهوا
بس القدر كان اقوى منا سوا
بتتذكري شو كنت شيطن عا عتبة البيت
وكنتي تبتسمي وتقولي يا امي
اخ من بعدك لمين بدي قول يا امي
امي
انا عم بتعب
وعم بصبر
بس والله يا امي بعدني بنتك وحافظت عا وصيتك
كيفو بيي يا امي
وكيف كلامته وطفولته
مين شفتي هونيك
حدا بالو مشغول علينا
اه يا امي شو عم تتوجع ايامنا
اه يا امي
بتعرفي ... لشو الحكي طالما الاعمار محدودة
جيهاد ايوب
jihad3333@hotmail.com
الرجوع الى أعلى الصفحة اذهب الى الأسفل
Zizi
ليلياني نشيط


عدد الرسائل : 30
العمر : 25
تاريخ التسجيل : 10/08/2009

مُساهمةموضوع: رد: الى ملكة عمري عليا بذكرة رحيلها الاربع سنين   الأربعاء أغسطس 12, 2009 1:39 pm

mo2siraa 3njd .

Allah Yr7amiK
الرجوع الى أعلى الصفحة اذهب الى الأسفل
عيد
المدير العام


عدد الرسائل : 317
العمر : 26
الموقع : http://www.lilianenemri.mam9.com
العمل/الترفيه : طالب
تاريخ التسجيل : 14/05/2008

مُساهمةموضوع: رد: الى ملكة عمري عليا بذكرة رحيلها الاربع سنين   السبت أغسطس 22, 2009 8:32 pm

مؤثرة فعلا لانها صادقة و لانسانة غالية راحت من بيناتنا و بعدها بقلوبنا و ما رح تفل
الف رحمة و نور عروحك يا كبيرة الفن و الانسانية يا ام الملاك اللي الله وهبك اياه و وهبنا اياكي انتي و اياه
لاله يرحمك يا كبيرتنا يا ام ليليو اللي قدمتيه كتير بحياتك و ما بينتسى
الرجوع الى أعلى الصفحة اذهب الى الأسفل
http://lilianenemri.mam9.com
 
الى ملكة عمري عليا بذكرة رحيلها الاربع سنين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ملكة الكوميديا اللبنانية لـيلـيان نمري :: منتدى الفنانة ليليان نمري :: كي لا ننسى المبدعين شرنو & علياء نمري-
انتقل الى: