الى ابي وامي

موضوع: الى ابي وامي الخميس أغسطس 14, 2008 3:08 pm

مهما كتبت وقلت عنكون يا بيي ويا امي ما بيوفيكم نقطة من اللي قدمتوه النا وللبنان
فتحت هالصفحة قلت يمكن اقدر عبر عن محبتي واخلاصي وتقديري الكبير لاغلى تنين حبو بعضن لماتو
بهالصفحة رح جرب قد ما فيي نزل المقالات اللي انكتبت عنكون وهي كتيرة وما بتنعد
بهالصفحة رح جرب خلي الناس تتذكر وتعرف انتو مين وشو عملتو ومين كنتو وكيف رح تبقو
بهالصفحة رح جرب قلك يا بيي شو اشتقتلك وشو بحبك وشو طلع معك حق بكل اللي قلتلي ياه
بهالصفحة رح جرب قلك يا امي شو اشتقتلك وشو بحبك وشو طلع معك حق بكل اللي قلتيلي ياه
صفحات الدني ما بتكفي ما امي وكتب الدني ما بتكفي يا بيي
عمقول بيي وامي لانو هيك كنتو تحبو قلكون بالعامية مش يا بابا ويا ماما
يا امي كل يوم الصيح بشرب قهوة معكون انت وبيي وبتذكر كل الايام اللي مرقت وما بتروحو من بالي
كل يوم بصليلكون وبصلي لكل اللي بتحبوون لانو انتو هيك علمتوني

بس بدي قلكون انو ما في شي تغير ببلدكون الغالي الحلو
والنقابة بعد ما توحدت
الواسطة بعد ما خلصت
والكهربا بعدا ما عم تجي
واللبنانية بعد ما اتفقو
والطوايف طافت عا بعضها
بعد عم بيانبز شي جديد حتى ما نعيش مرتاحين
يا امي بعد ما طلعت عالدامور ما اللي قلب اطلع بلاكي
يا بيي عرفت انو بيار الجميل وجبران التويني استشهدو ؟عمتشوفون ولا بعاد ؟
يا امي بعدني متل ما انا ما اتغيرت متل ما وعدتك
يا بيي حبيبة قلبك الصبوحة بعدا منيحة الحمدلله ودايما بتقلي انت بنت عبده وعليا ايه عرفتك
يا امي فيروز حبيبة قلبك ما رجعت بعد عالبنان عاطول
يا بيي عرفت انو من بعد ما فليت عن هالارض نقلت عا 3 بيوت
يا امي عرفتي انو تلفزيون لبنان صار تعتير يا حرام
يا بيي عرفت انو بعد ما صح هالصحيح اللي كنت تقول عنو

يمكن زدتها عليكون بس حبيت ابعت رسالة من القلب حتى تعرفو انو بعدنا متل ما نحنا بفارق زغير انو تنكة البنزين صارت بال 35 الف ويمكن رح تزيد اكتر وانو بعدن عميتخانقو بكل جلسة نواب بس بالمقابل بعدا عمتشرق الشمس وبعدو الامل موجود اللي ضليتو عايشين من خلالو كل عمركون

بحبكو لتخلص الدني ولاخر نقطة من دمي ومش رح انساكون ورح خلد ذكراكون قد ما فيي

واهم شي بحب انو تعرفوه انو بعدني بحب لبنان رغم كل اللي قلتو وبعدني مغرومة فيه يا امي
وبعدو تراب لبنان اغلى من كنوز الدهب يا بيي

الله يرحمكون

الف رحمة عليكم يا اعظم مبدعين رسمو درب الفن النضيف و جبتولنا ارزة لبنانية كل العرب بيفخرو فيها
انتو شرف النا و مدرسة كبيرة و اكيد انتو راضين عن الكبيرة ليليان اللي تعبت و استفادت من موهبتها و مشيت عدربكم عدرب الفن النضيف و الصادق و اللي بيدخل لقلوب الناس بسرعة لانو منعرف قديش تعبتو و تعذبتو بحياتكم لتخلو صورة الفن اللبناني و العربي بالشكل اللي صار اله
الكم الفضل الكبير العظيمة المرحومة علياء نمري اعمالك خالدة و انتي بقلوب الكل ما بتموتي
الكبير شرنو الف رحمة تنزل على روحك الطاهرة
بس حابب اضيف شغلة انو منعرف انو ما كان همكم بالحياة تاخدو جوايز و القاب لانكم اكبر من كل الالقاب والجوايز و انتو اللي بتعطو القيمة لاي شي
لو فينا نقدملكم جوايز الكون ما منكافيكم لانكم عشتو كبار و متو كبار
رحمة الله تنزل عليكم
ليليو البركة فيكي الله يطوللنا بعمرك و تضلك عدرب هالكبار مكملة

تعيش وتترحم يا امي والله يخليلي ياك يا رب ويخليلك اهلك فوق راسك وعيد يا ابني الحبيب بحبك لتخلص الدني
بحبك وما بقدر انساك ولا دقيقة انت الابن اللي طلعلي من هالدني انت الغالي والجبين العالي انت الامل اللي رح حقق في احلامي بكرا
يوم اللي بتتخرج وبتصير انسان كبير ومهم بالمجتمع بكون حققت كل احلامي يا قلبي انت ابني وخيي ورفيقي اللي ما بنساه لو شو ما صار يا غالي
عيد كتبت بهالصفحة حتى كل العالم يقرو شوفي بيقلبي عنك ومهما قلت بيكون كتير قليل لانك بتستاهل احلا كلام بهالكون
وبدي قول كلمة وحدة بس صدقني ومن كل قلبي بقول انو لو كان عندي ولد ما كنت رح حبو متل ما بحبك يا امي لانو هوي رح يكون ابني ومجبور انو يحبني
بس الاصعب انك تلاقي انسان يحبك وهو مش ابنك ولا بيقربك ولاشايفك بيوم من الايام وحبو صافي ومن غير غايات
هيدا هوي انت يا امي ايه انت ابني اللي بيحبني من دون ما يكون شايفني وبيعرف قلبي وبيقدر كل اللي فيه من حب وحزن وفرح
الله يكون معك كيف ما رحت وكيف ما جيت وتكون ناجح ناجح واكتر واهلك وانا وكل اللي بيحبوك يفتخرو فيك يا اغلى واطيب قلب بهالدني وبحبك قددددددددددددددددد الدني مووووووووووووواه

ليليو يا اعظم انسانة باخلاقك و ذوقك كلامك وسام عصدري و معرفتي فيكي تاج عراسي بفخر فيه بين كل الناس لانك اهم شي بنت اصل و بتعرفي شو معنى الفن الحقيقي و هيك علمتينا
الشي اللي بيخليني افخر اكتر فيكي انك امينة و ضليتك محافظة عراية الكبار ، اللي تعبو ليعملو الفن و انتي كفيتي عدربهم و اتخذتي خطاهم نهج لمسيرتك العظيمة ، الله يرحمهم يا رب عرفو يربو انسانة و فنانة كل العالم بيفتخرو فيها
الله يديمك للفن العربي و للانسانية شعلة منستنير فيها

ما فيي قول الا كلمة وحدة انت نور عيوني

شو بدي قول تا قول ؟
انت منارة الحب وانت نبض القلب
تترحمين على من ربوك فانت مدرسة لحسن السلوك
يا اميرة الاحساس انت ضياء لطريق الناس
ابكيتينا بصدق المشاعر والدموع كالنهر الثائر
حفظك الله برعايته ورحم ابواك واسكنهم جنته

ما كتبت هو القليل وانا اكيد
فقد عجز لساني عن قول المزيد

خيي وليد الغالي

كل مرة بتكتب عني كلام بيعجز للساني عن التعبير وبيعجز راسي عن التفكير حتى لاقي كلام يوصفك يا خيي

ما بيقدر حدا يشوف منارة الحب والا ما يكون هو الحب بذاتو بكل معانيه

وما حدا بيقدر يحس بنبض القلب الا الي قلبو كبير ومحب ومليان اخلاص وعطاء

صحيح اني بكيتك بس بكيت من الحنية اللي بقلبك واللي بحب اهلو واصحابو والناس بالشكل اللي انت بتحبون الا ما يبكي

الله يرحم موتاك يا خيي ويخليلك اهلك وتضل البسمة والعطاء والامل المشرق بحياتون وحياتنا
ولو عجز اللسان من الكلام بس الفعل باين من اعمالك المحبة .. بحبك خيي والله يخليك وانشالله تحقق كل احلامك

الله يقدرني ويساعدني اني اكون متل ما انت شايفاني واحافظ على لفظ الأخ الغالي عليا واللي بعتبره وسام على صدري انك تناديني به يا اختي العزيزة
الله يديمك علي وعلى كل محبينك يا رب

W00W..SHOU HALKALEM YA LILOU..KIL SHI BTEKTBIH BYETLA3 8ER SHEKEL MENNIK,HAYDA LA ENNIK SAD2A W WAFIYE W MO5LSA W BET7EBBE MEN ALBIK...ALLAH YER7AMON W NSHALLA BETDALLE BI HAL OUWWE W ALLAH YA3TIKE EL SA77A W EL 3AFYE TA 7ATTA TDALLE M5ALDE ZIKRAHON W NCHALLA KAMEN NKOUN NE7NA 2DERNA N3AWWEDLIK SHWAY 3AN HAL 5SARA W NKOUN 2DERNA NEZRA3 BI ALBIK EL BASME W MENTAMNIK NE7NA YALLE MNE3TEBER 7ALNA WLEIDIK ENNIK 7ATDALLE MASALNA EL A3LA W 7ANDAL 7ADDIK W NEDE3MIK W NSE3DIK BI AYYA SHI BTOTOLBIH MENNA W W ENTE BTET7E22E ENNO EL SHA5ESS Y7EBBIK CZ MA FI METLIK ENSENE METWAD3A W SAD2A,,,ENTE BET5ALL EL SHA5ESS Y7EBBIK,,,.,

YALLE 5ALLAF MA MEIT,,AHLIK 5ALLAFOUKE W ENTE BETJANNINE W 7AMLE ESEM AHLIK 3ALE

W SHOU MA 3EMLOO YALLE BYEKRAHOUKE 7A NDAL N7EBBIK W ENTE BEL ALEB 3ATOOOL................

مازن ما بعرف شو بدي قول بعد كل هالكلام اللي كتبتو
بصراحة انا بخجل كتير وقديش انا شاطرة بالحكي بيخف عندي كل الحكي
قبل كل شي انا اللي قلتو لاهلي كان من القلب وكان كتير قليل عليون لانو بيستاهلو كل كلام الكتب
واللي انت قلتو بتمنى اني كون قد المسوولية والمحبة اللي وجهتها اللي
ما فيي قول الا الله يخليلك اهلك ويضللو فوق راسك وتعيش وتترحم ويخليلي ياكون امين يا رب
بطلب من ربي اني شوفكون احسن الناس واحسن الشباب ولبنان يفتخر فيكون والله يعطيكون ايام حلوة وحب وفرح وسعادة
وانا كمان بحبكوووووووووووون كتير كتير

ليليان يا بنت الارز , انا ارى ان الجنة تحت اقدامك كأم وتحت اقدام والدتك كأم لفنانة رائعة , تحياتي لك من البصرة الحبيبة ذات التمر الزاهي والنخل العالي